Ein Wortspiel.
Wortkombination: Sven Anders
Club, Abstiegskampf, Klassenerhalt, Abstieg 2021
Club(erer)
Sprech ich vom Club, doa duggen sich inzwischen selbst meine besdn Freind
insdingdiv ganz einfach weg, des is fei ka Widz mehr - gell.
Ned nur die ledzden zwarahalb Joahr, woarn des fei weid mehr als die härdesden Sado-Maso-Erfahrungen,
diesd überhaubd aushalden kannsd. Obber als Clubberer, hald blos ohne jeglichen sexuellen Zwegg,
obsd des edz glabsd oder a ned.
Und des alles im Max sein Schdadion, odder vor der Glodzn. - Odder hald a amol am Radio.
- Und ehm hald ned inam rod-schwarzen Schdudio von aner Domina. Des Problem dabei is obber gwen,
es hod für uns Clubberer fei ned amol a "Code-Wördla" gem, um all dem Leid und Schmerz,
den uns die Schbieler und Dräiner, obber a dä Schbordvorsdand verursachd ham, a End zu machen.
Ned blos dä Abschdiegskampf, ein ewiger K(r)ampf, zwa Saison lang auf Eiern -
selbsd in der R(rr)elegadion - ein einziger Affendanz. A anzigsmol konnd der Clubberer a in dera Saison bisher in sich ruhn.
Doch, mid am Abschdieg in der Saison 20/21, da hamer hoffendlich nix am Hud
- oder hald am Käbbla, a wenns etzerdla scho widder einige grusselige Spiele worn.
Und a des Derby mid dä Vorstadd kerd in dera Saison hoffendlich fei a wenigsdens a mol uns Clubberer.
Wenn etzerdla a des Hinschbiel die Vorstadt scho für siech kassierd hodd.
Warum edz des, fragsd du dich nacherdla vielleichd - oder a ned?.
Weils Zeid werd.
- Und wir unser schlechdes Karma edzerdla
vollschdändig abgearbeided ham müssden.
Und wer däes ned glabbd, der konn a gern a drum Rennscheln hoam,
wenners umbedingd brauchd. Und zwoar a solang, bisser singd,
dass die Legende lebd.
Symbolisch bedrachded man ich des fei bloss
- Du wast scho - wegen dem Karma.
Ich holmer edzad nu drei im Weggla
und drink a halbe odder a zwa
aufn Club. Servusla.
.